Сообраќајот на патиштата се одвива по влажни коловози, на повисоките места и кашест снег

Сообраќајот на државните патишта се одвива по влажни коловози во западните и југозападните делови од државата, на некои повисоки места со остатоци од кашест снег на коловозот, информира АМСМ. Интензитетот на сообраќај на патните правци надвор од градските средини е умерен.

На граничните премини од македонска страна нема подолги задржувања за влез и излез од државата. Во останатите делови од државата коловозите се претежно суви. Врнежи од снег со променлив интензитет се бележат на Попова Шапка, во Маврово, Крушево, на планинските превои Стража, Буково, Ѓавато и Пресека.

Забраните за сообраќај за тешки товарни возила воведени ноќеска на патните правци Гостивар – Кичево преку планинскиот превој Стража и крак Маврово – Дебар, утрово се укинати.