Убиство во Волково- кираџија го убил газдата, па се самоубил

Кираџија го убил газдата, па се самоубил. Во престрелката настрадал и синот на газдата на куќата каде што живееле. Крвавата трагедија ги потресе жителите во скопско Волково. Малолетникот пренесен в болница.

Што била причината кираџијата да посегне по животот на газдата, засега енигма. Од сведочењето на жителите, станува збор за мирни луѓе кои никогаш немале караници. Кираџијата бил таксист и во Волково живеел околу 2 години.

МВР излезе со првични сознанија.

По грозоморниот чин полицијата и обвинител со часови правеа увид. Подигнат доказен материјал. Телата на убиените ги зедоа, врз нив ќе се прави обдукција.

„Издадена е наредба за обдукција на телата на двајцата починати. Од местото на настанот е подигнато оружјето кое ќе биде предмет на вештачење. Ќе се вршат балистички и други вештачења со цел да се утврдат сите околности на настанот“, информираат од Јавното обвинителство.

16-годишниот малолетник е пренесен во Комплексот клиники „Мајка Тереза“ во Скопје.

Истрагата допрва треба да утврди кој е мотивот за овој грозоморен чин. Жителите на Волково велат, глетка која уште долго ќе ја паметат.

Борис Грујоски