Минималната плата ќе се утврди до крајот на месецот

До крајот на овој месец треба да бидат завршени калкулациите и да се дефинира износот на минималната плата, изјави министерот за економија и труд, Бесар Дурмиши. Веќе е конституирана Комисијата за утврдување на репрезентативноста на синдикатите, која минатата недела беше одобрена на владина седница.

По верификацијата на репрезентативноста, Дурмиши најави дека веднаш ќе го свика Економско-социјалниот совет, на кој минималната плата ќе биде поставена како главна точка на дискусија.

Доколку работодавците и синдикатите се договорат за друг начин на утврдување или друга вредност на минималната плата ние ќе бидеме таму за да им помогнеме на двете страни, изјави министерот Дурмиши.

Тој потенцираше дека очекува Комисијата експресно да ја утврди репрезентативноста на синдикатите.