Постапката за Коцевски на пауза поради трагедијата
Ќе го исправиме она што повеќе од три децении беше погрешно. Шремиерот Мицкоски го образложи мораториумот, за чиешто време треба да се отстранат неправилностите. На списокот има и државни објекти. Додека трае истрагата нема да се разрешува републичкиот обвинител Коцевски, иако постапката е веќе отпочната....
Државниот обвинител Коцевски засега куртули од разрешување. Владата, додека трае истрагата за трагедијата во Кочани нема да бара Собранието да го смени, бидејќи е задоволна од неговата работа и соработката со МВР. Премиерот Мицкоски смета дека треба да им се остави простор на обвинителите да спроведат брза, ефикасна и неселективна истрага.
Досега се обезбедени 34-ца осомничени, но од Владата очекуваат истражителите да ги детектираат и претходните аномалии на системот.
Во меѓувреме ќе има мораториум за сите објекти чиишто лиценци се одземени или се утврдени неправилности. Кафулиња, дискотеки, клубови, но и старски домови, претшколски и школски установи ќе мора да ги адаптираат капацитетите ако сакаат да продолжат со работа.
Рок за прилагодување на објектите нема, но колку побрзо ги оспособат толку побрзо и ќе ги вратат во промет.
Анита Димитријевска - Велковска