Поранешниот директор на Државни патишта, Ејуп Рустеми и уште четворица уапсени за злоупотреби
Приведен е поранешниот директор на Државни патишта, Ејуп Рустеми и уште неколкумина други. Осомничени се за злоупотреби поврзани со тендерот за обезбедување на патарините...
МВР поднесе кривични пријави против 5 физички и едно правно лице за злоупотреба на тендер за обезбедување на патарини во ЈП „Државни патишта“. Приведен е поранешниот директор на ЈП „Државни патишта“ Ејуп Рустеми кој се терети дека во 2022 година склучил договор вреден 760 илјади евра со фирма од Кичево за обезбедување на 14 наплатни станици на ЈП “Државни патишта“.
Приведени се и заменик директорот за одржување на патишта Ејуп Љатифи, двајца раководители на Одделението за наплата на патарини и контрола и Џемал Билбиловски, сопственик на Агенцијата за обезбедување.
Обвинителството побара притвор за сопственикот на Агенцијата за обезбедување Џемал Билбиловски, и мерки на претпазливост за останатите осомничени.
Ирина Гелевска