„Екстра Меин“: Во нашите производи нема листерија!

 

По вчерашната информација дека бактеријата листерија е пронајдена во производ од месната индустрија „Екстра Меин“ од Куманово, од компанијата одговорно тврдат дека од почетокот на годинава, според редовниот план за мострирање, земени се 158 мостри од производи и 112 брисови (69 од машини и работни површини и 43 од работници). Сите добиени резултати се нагативни на присуство на каква било бактерија, соопштуваат од компанијата.

 

Менаџментот на „Екстра Меин“ преку соопштението посочува и на фактот дека мострата со бактеријата е пронајдена во производите во малопродажен објект, за кој компанијата не може да гарантира на кој начин биле чувани производите, дали била можна девакумација на истите и дали во тој случај тие дошле во контакт со други производи кои ја содржеле бактеријата.