5 години членство на Македонија во Алијансата

Македонија одбележува пет години од членството во НАТО, кое донесе стабилност и оптимизам во регионот.

Во касарната „Илинден“ на централната свеченост ќе се обратат претседателката и врховен командант на армијата Сиљановска-Давкова, министерот за одбрана Мисајловски и началникот на Генералштабот генерал-мајор Лафчиски, а ќе присуствува и премиерот Мицкоски.

Земјава останува посветена на соработката со сојузниците и партнерите во справувањето со предизвиците и интегративните процеси.