Нанос од песок на патот Валандово – село Удово, сообраќајот се одвива отежнато

Автомотосојузот на Македонија информира дека од 03:15 часот на регионалниот пат Р1105 Валандово – с. Удово, пред с. Јосифово на Калковска Река има нанос од песок и собраќајот се одвива отежнато.

Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 15.11.2024 е затворен за сообраќај за сите видови возила.

Мостот на река Вардар на регионалниот пат Р1312, кај Башино село е затворен за секаков вид на сообраќај.

Автомотосојузот информира дека во тек се работи на пат на делниците Градско-Дреново и кај Демир Капија-Смоквица.