Хамас: Нема договор за продолжување на примирјето

Нема договор за продолжување на 72-часовното примирје со Израел во Појасот Газа, што истекува утре, изјавија официјални лица на Хамас,  иако Израел претходно соопшти дека е подготвен за продолжување на примирјето. Преговорите во Каиро продолжуваат до петок. Обама повика на одржување на мирот.

„Трајна стабилност во односите меѓу Израел и Палестина нема да се случи во блиска иднина и лидерите на двете страни треба да преземат политички ризик за постигнување мир и просперитет“, рече претседателот на САД, Барак Обама.