Собранието од утре продолжува редовно да функционира

По две недели, Собранието од утре продолжува редовно да функционира. Закажани се и комисии и пленарни седници.

Одлуката, телата на законодавниот дом да не заседаваат поради трагедијата во Кочани предизвика лавина реакции во јавноста, која критикуваше дека пратениците не си ја работат работата за којашто се платени и бегаат од одговорност.

Собранието, пак, се правдаше дека работата продолжила во други вообичаени форми, преку координации, подготовка и разгледување предлог-законите, како и состаноци на различни нивоа и со теренски активности во Кочани.