Влада: Значително се зголемија платите на вработените во здравството

Значително се зголемени платите на здравствените работници, медицински сестри, техничари и административен персонал, информираат од Владата. Првото покачување беше со октомвриската плата во 2024 година, а со мартовската плата исплатена на април за сите вработени во јавниот здравствен сектор се зголеми за 2.500 денари.

За само шест месеци од Владата, платите во здравството достигна зголемување од 4.815 денари нето за сите здравствени работници, додека за медицинските сестри изнесува дури 6.200 денари.

Со ова покажавме дека се враќа достоинството на докторите и медицинските сестри кои се чувари на здравјето на граѓаните. Наша цел е подобрување на здравствените услуги и здравствената заштита на пациентите. Преку дијалог со здравствените синдикати постигнавме историски договор за покачување на платите во здравството во следните четири години да достигне дури 50 проценти, соопштуваат од владината прес- служба.