Доцни терапијата за онколошките пациенти

Пари има, но лекови нема. Онколошките пациенти се соочуваат со истите предизвици, болеста нема со што да ја лекуваат.

Од „Хема-Онко“ реагираат до надлежните, пациентите да добијат терапија пред празниците. Првиот лек го снемало на 15-ти март до завршување на тендерската постапка и испораката на лековите на клиниката би била околу 1-ви мај, а со тоа некои пациенти месец и половина ќе бидат без терапија.

Како и тендерот во административен лавиринт е заглавена и постапката дел од онколошката терапија да се подигнува од аптеките за да се намали метежот на Клиниката за онкологија. Од „Хема-Онко“ реагираат дека турканиците на клиниката остануваат, кадарот е ист, а се зголемува бројот на пациентите.

Најавената дисперзија на онколошките пациенти по други клиники сè уште не се случи.

Наташа Јанчиќ – Менковски