Се зацврстува иконостасот во „Свето Благовештение“
Почнува главната фаза на зајакнување на конструкцијата на монументалниот иконостас во прилепската црква „Свето Благовештение“. Се смета за капитален проект. Ремек дело од сакралните објекти во земјава и е меѓу трите најимпозантни во државава...
Конечно ќе се зацврсти носечката конструкција на монументалниот иконостас во прилепската црква „свето Благовештение“. Стручњаците на прилепскиот Завод и музеј ја прават неопходната стабилизација, а резбата ќе добие реконструкција и конзервација за да се зачува овој сакрален споменик на културата. Се смета за капитален проект кој годинава доби преку 2 милиона денари.
Проектот е во фази веќе петта година. Отстранета е опасноста од црвојаднина. Ќе се зајакнува со дополнителни столбови.
За крај ќе остане конзервацијата на иконите на иконостасот. Со димензии од 16 на 7 метри, тој е ремек-дело на тајфата на Петре Гарката.
Елизабета Митреска