Eден месец од трагедијата во Кочани, уапсени уште 7 полициски службеници

Eден месец од трагедијата во Кочани. Во предистражната постапка за пожарот во „Пулс“, уапсени уште 7 полициски службеници. МВР им поднесе кривични пријави. Во текот на денот ќе бидат изведени пред судија на претходна постапка. За тешки дела против општата сигурност осомничени се 52 физички и 3 правни лица.

Обвинителството за организиран криминал и корупција сомничи 7 полициски службеници. Со истрагата опфатени се поранешни и актуелни министри, тројца екс-градоначалници на Кочани, директори на Дирекцијата за заштита и спасување, инспектори во Пазарниот инспекторат, членови на обезбедувањето.

Во пожарот во дискотеката „Пулс“ на 16-ти март загинаа 59 лица, а уште двајца повредени подоцна им подлегнаа на повредите. Повредени беа околу 200-те лица.