Протести во Јемен по смртоносниот американски напад врз позиции на Хутите

Илјадници луѓе излегоа на протест на улиците на Сана, главниот град на Јемен по смртоносниот американски напад врз позиции на Хутите, во којшто загинаа 90 луѓе, а над 170 беа ранети. Вашингтон порачува дека ќе продолжи со кампањата сè додека бунтовниците не се откажат од нападите врз трговски бродови во Црвено Море и во Аденскиот залив.

Ударот врз пристаништето Рас-Иса, каде што се погодени и капацитети за нафта, претставува сериозна ескалација.

САД соопштија дека целта е групата, поддржана од Иран, да остане без илегалните приходи што последниве 10 години ги користи за напади во регионот.