Нетанјаху: Продолжување на притисокот врз Хамас
Ќе ги вратиме сите наши заложници. Ќе го победиме Хамас и ќе го спречиме Иран да добие нуклеарно оружје, изјави Бенјамин Нетанјаху, премиер на Израел...
Израелскиот премиер вети дека ќе го спречи Иран да добие нуклеарно оружје и ќе продолжи воениот притисок врз Хамас. На Денот на сеќавањето на Холокаустот, Нетанјаху рече дека главната лекција од холокаустот е борбата против фанатичните режими кои му се закануваат на целиот свет.
„На овој ден на холокаустот, ветувам, воениот притисок врз Хамас ќе продолжи. Ќе ги уништиме сите негови способности. Ќе ги вратиме сите наши заложници. Ќе го победиме Хамас и ќе го спречиме Иран да добие нуклеарно оружје“, изјави Бенјамин Нетанјаху, премиер на Израел.
Израел го прекина примирјето со Хамас изминатиот месец и вети дека ќе ја продолжи војната додека не се вратат сите заложници, а милитантната група не биде уништена. Во меѓувреме, продолжуваат преговорите меѓу Иран и Соединетите Држави за нуклеарната програма на Техеран.