МНР: Ревизорите откриле неправилности во работењето на амбасадорот Хасановиќ
11.08.2014 14:52
Конечниот ревизорски извештај открил неправилно управување со дел од ресурсите во Амбасадата во Доха од страна на амбасадорот Фуад Хасановиќ и тој е задолжен да го врати износот на средства во целост. Во тек е правна постапка за нанесената штета во рамки на која се поднесува пријава до надлежните инстанци.
Ова се наведува во соопштението од Министерството за надворешни работи, а во врска со пишувањата на некои медиуми за неправилности во работењето на амбасадорот Хасановиќ во Амбасадата во Катар.
Конечниот ревизорски извештај открил неправилно управување со дел од ресурсите во Амбасадата во Доха од страна на амбасадорот Фуад Хасановиќ и тој е задолжен да го врати износот на средства во целост. Во тек е правна постапка за нанесената штета во рамки на која се поднесува пријава до надлежните инстанци.
Ова се наведува во соопштението од Министерството за надворешни работи, а во врска со пишувањата на некои медиуми за неправилности во работењето на амбасадорот Хасановиќ во Амбасадата во Катар.
Во рамките на системот за внатрешна контрола на работењето во дипломатско-конзуларните претставништва на РМ, Министерството за надворешни работи констатираше неправилности и отстапување од добрите практики во амбасадата во Доха, се вели во соопштението.
Во врска со овој случај и во функција на спроведување на внатрешната ревизија, амбасадорот Хасановиќ, се наведува, бил повикан на консултации и негово произнесување во земјата, во текот на јуни-јули 2014 година.