Нов асфалт пред наплатната рампа Петровец
Надлежните велат поголем застој во сообраќајот нема да има, се бара чаре и за гужвите на патарините кај Романовце и Стоби...
Се реконструира коловозот пред наплатната рампа Петровец, клучката од аеродормот Александар Велики према Скопје. Градежните активности треба да завршат до крајот на август. Сообраќајот се одвива по една коловозна лента. Се интензивираат и градежните работи на една од најоштетените делници, Велес- Катланово. Се врши санација на шест насипи и надградба на асфалтниот коловоз. Проектот вреден речиси 5, 6 милиони евра се очекува да финализира до средината на следната година. Ќе се рехабилитира и делницата Миладиновци- Куманово.
„Рехабилитација, подобрување на целиот дел од трасата од Миладиновци- Куманово до Коњаре, каде со клучка се поврзуваат Коридор осум и десет, трасата дотраена, дел од автопатот на Автопат Александар Македонски и очекуваме да се почне средината на 2015- тата“, вели Љупчо Ѓеоргиевски, директор на Агенцијата за државни патишта.
Надлежните велат поголем застој во сообраќајот нема да има, се бара чаре и за гужвите на патарините кај Романовце и Стоби - тесно грло во летните месеци. За да се зголеми капацитетот, ќе се дислоцира наплатната на влезот од кај северниот сосед.
„Таму постојат четири наплатни куќички или пет пролази изведени пред 30- тина години, ќе се измести наплатната станица триста метри спрема Куманово за да се направат девет куќички за наплата“, посочува Ѓеоргиевски.
Се работи и на изградбата на Демир Капија- Смоквица и Миладиновци- Штип. Се форсира и Кичево- Охрид. Се очекува Македонија да добие 123 километри нова безбедна автопатска мрежа.
Сузана Фиданска- Стоевска