Северна Кореја го претстави новиот гигантски воен брод тежок 5.000 тони

Севернокорејскиот лидер Ким Џонг Ун присуствуваше на церемонијата на лансирање на нов повеќенаменски разорувач. Воениот брод од 5.000 тони е опремен со најмоќно оружје и изграден е во рок од околу 400 дена.

Новото моќно оружје ќе биде предадено на морнарицата и ќе влезе во служба на почетокот на следната година.

„Безбедносната средина во нашата земја во моментов е многу сериозна“ истакна Ким и рече дека САД редовно распоредуваат стратешки средства на Корејскиот Полуостров. Пјонгјанг долго време ги осудува како проба за војна воените вежби меѓу Вашингтон и Сеул, за што двете страни тврдат дека се одбранбени, а не воени дејствија.