Скандинавија- надеж за македонските текстилци

Скандинавските земји се новата надеж на македонските текстилни компании.  Соработката која замре на крајот од ’90-тите години зедно со „Астибо“, сега повторно се возобновува.

„Веќе неколку години соработувам со  брендот „Jаck and Jones“ за кои правиме доработка на готови конфекциски производи, а во последните години вршиме и фарбање. Имавме и извоз на наши производи  во неколку бутици во Данска“, истакна Венцо Филипов, сопственик на текстилна компанија.

Кои се добрите, а кои лошите страни во  работата со партнерите од Скандинавија?

„Скандинавските купувчи, особено оние од Данска се многу прецизни, точни и флексибилни. Но проблем ни е транспортот зашто немаме разиена мрежа за овие земји“, смета Филипов.

Разлики има и во стилот. Колку македонските текстилни компании можат да одговорат на нив?

„Во Скандинавија се цени повеќе едноставноста, елегантни и пософистицирани кроеви, каде што на цена е квалитетот. Македонските производители го имаат потребното знаење и квалификаии за да одговорат на нивните барања“, потенцира  Теодора Филипова, менаџер на производтсво во текстилна компанија.

Филипови се единствени во Источна Македонија и  од ретките  во државата кои соработуваат со Скандинавија во делот на текстилот. За соработката да се продлабочи, и бизнисот да се прошири, потребн е и поголема државна стратегија, сметаат стопанствениците.

„Треба да има човек дали од Стопанската комора или од друга институција, кој ќе се ангажира и ќе создаде можности за контакти“, смета Панче Насев, сопственик на текстилна компанија.

Текстилството  е една од трите носечки стопански гранли и оваа индустрија  покрива 30 отсто од државниот извоз. Само оваа година, во првите шест месеци од годинава е остваерн извоз на текстини производи од 337 милиони долари, главно во земјите од Западен Европа.

Оливера Жежова