Повторно половичен ефект

Нашите шаховски репрезентации играат по принципот топло - студено на Олимпијада во Тромсо. Во деветтото коло шахистите ја совладаа Естонија со 2,5:1,5. Победи забележаа Панчевски против Вовк на третата и Богдановски со Језов на четвртата табла. Нерешено одигра Недев со Ладва на првата, а Чоловиќ загуби од Семан на втората.

Дамите претрпеа пораз од Белгија убедливо со 3,5:0,5. Николовска ремизираше со Барбие на третата табла, а загубија Стојковска, Бејатовиќ и Манова.