Договор за изградба на интерконекторот со Грција

Во следниве десет дена ќе се потпише договорот за изградба на интерконекторот со Грција на македонскиот дел до границата, потврди за Миа, министерката за енергетика, рударство и минерални суровини, Сања Божиновска.

Досега кај нас имаше еден неуспешен тендер, а сега е добиен за 12 милиони евра пониска цена од првичната. Проектот е поддржан од Европската банка за обнова и развој.

Во Грција, пак, пред два и пол месеца, компанијата „Терна“ ги почна прелиминарните работи за грчкиот дел од интерконекторот за гас што ќе ги поврзе двете земји.