Започнува изградбата на новиот автопат Тетово- Гостивар

Денеска почнуваат градежните работи на новиот автопат од Тетово до Гостивар. За делницата од околу 25 километри ќе се потрошат 90 милиони евра.

Проектот за изградба на автопатот опфаќа и осум делници за поврзување на локалните патишта со новопроектираниот паралелен пат, и уште една за новата клучка во општините Боговиње и Врапчиште. На клучката за излез од Тетово ќе се користи постоечкиот надвозник.

На свечениот почеток на работите ќе присуствува и премиерот Христијан Мицкоски.