Дирекцијата за радијациона сигурност одбележува 20 години постоење

Дирекцијата за радијациона сигурност прославува 20 години од своето основање со свеченост во Клубот на пратеници во Скопје.

На настанот, според најавите, ќе се обратат директорот Зоран Бајовски, министерот за внатрешни работи Панче Тошковски и заменик министерот за здравство Јовица Андовски.

„Изминатите две децении Дирекцијата ја има клучната улога на контрола, надзор и лиценцирање на сите активности поврзани со јонизирачко зрачење, вклучувајќи медицински, индустриски, образовни и истражувачки апликации“, се наведува во соопштението за настанот.