Хрватскиот претседател Зоран Милановиќ во официјална посета на земјава

Претседателката Гордана Сиљановска-Давкова е домаќинка на претседателот на Република Хрватска, Зоран Милановиќ, кој престојува во официјална посета на земјава. Хрватскиот претседател ќе биде пречекан со највисоки државни и воени почести на церемонија во кабинетот на претседателката, по што ќе следи тет-а-тет средба, а потоа и пленарен состанок на македонската и хрватската делегација.

Во рамки на посетата, хрватскиот претседател Милановиќ ќе положи венец на гробот на Гоце Делчев во црквата „Св. Спас“ во Скопје.