Руското привремено примирје стапи во сила
Во истовреме, рускиот претседател се среќава со меѓународните лидери кои пристигнаа во Москва за прославата, а чие пристигнување беше отежнато поради воените операции меѓу Москва и Киев...
Руското тридневно примирје еднострано прогласено од Путин стапи во сила наспроти годишнината од Денот на победата. Во истовреме, рускиот претседател се среќава со меѓународните лидери кои пристигнаа во Москва за прославата, а чие пристигнување беше отежнато поради воените операции меѓу Москва и Киев. Часови пред примирјето Русија изврши масовни напади во Украина. Зеленски го повтори дипломатскиот предлог за 30-дневен прекин на огнот, истакнувајќи дека Русија не понудила никаков одговор освен продолжување на агресијата.
„Ние не го повлекуваме овој предлог, што би можело да ѝ даде шанса на дипломатијата. Но, светот не гледа никаков одговор од Русија освен нови напади. Ова им става на сите до знаење кој е изворот на оваа војна“, изјави Володимир Зеленски, претседател на Украина.
Вашингтон потврди дека Русија барала премногу во својата првична мировна понуда. Трамп незадоволен од ситуацијата, истакна дека стигнува до точка каде што ќе мора да донесе одлука.