22 општини не го исполнуваат стандардот за зеленило од 25 метри квадратни

Oд 34 општини со седиште во град, 22 не го исполнуваат стандардот за зеленило од 25 метри квадратни по глава на жител – покажува извештајот на Државниот завод за ревизија. Само осум имаат важечки урбанистички план, повеќето работат со застарени и непостоечки планови.

Масовната урбанизација, долгите постапки за донесување на урбанистичките планови, немањето годишни програми за урбано зеленило, неизрекувњето казни кон прекршителите – придонесуваат за загрижувачката состојбата.

Според извештајот, 18 општини немаат донесено годишни програми за одржување на зеленилото, а 59 проценти не инвестирале во нови зелени површини. Ревизорите предупредуваат дека немањето доволно зелени површини придонесува до зголемување на загадувањето и го намалува квалитетот на животна средина. Препорачуваат итни мерки за да се подобри животот во урбаните средини.