Муцунски учествуваше на 134-та сесија на Комитетот на министри на Советот на Европа
На сесијата учествуваа министри за надворешни работи на земјите членки и високи претставници на Организацијата...
Од Шведска, министерот за надворешни работи и надворешна трговија, Тимчо Муцунски, отпатува за Луксембург, каде учествуваше и се обрати на 134-та сесија на Комитетот на министри на Советот на Европа. На сесијата учествуваа министри за надворешни работи на земјите членки и високи претставници на Организацијата.
Состанокот се одржа во контекст на актуелните геополитички предизвици, со фокус на поддршката за Украина, улогата на Советот на Европа во заштита на демократијата и човековите права, како и на натамошното зајакнување на европската соработка. Акцент во разговорите беше ставен и на новиот Демократски пакт за Европа и можностите за развивање на поинклузивна и поотпорна демократија.
На маргините од состанокот, Северна Македонија ја потпиша Меѓународната конвенција за заштита на професијата адвокат, а во рамки на сесијата беше извршена и примопредавањето на шестмесечното претседавање со Комитетот на министри од Луксембург на Малта.
На маргините на сесијата, министерот Муцунски оствари и билатерална средба со министерот за надворешни работи на Ерменија, Арарат Мирзојан. Разговорот беше фокусиран на билатералните односи меѓу двете земји, како и на актуелните геополитички случувања.