Нови руски напади во Украина

Нови напади на украинскиот фронт додека разговорите за прекин на огнот тапкаат во место. Русија пресретнала над сто украински дронови чија цел биле воено-индустриски објекти. Путин го посети Курскиот Регион, првпат откако ги протераа украинските трупи. Одржа состаноци со волонтери и локални претставници и ја посети нуклеарната централа во Курчатов. Го осуди режимот на Киев за уништување споменици и цркви и најави дека ќе ги постигне сите цели благодарение на единството на своите граѓани.

„Дури и во конкуренција на идиоти би го зазеле второто место. Зошто? Затоа што се идиоти. Со тоа што го прават покажуваат кои се. Еве нè – тим. Ова е безусловниот успех на сите наши напори. Ова се неопходните услови за постигнување на сите наши цели“, изјави Володимир Путин – претседател на Русија.

Во истовреме, папата ја потврди посветеноста Ватикан да биде домаќин на мировните преговори за Украина-соопшти италијанската премиерка Мелони.

„Светиот Престокл е отворен – за непријателите да се сретнат и да си погледнат во очи. За луѓето повторно да ја откријат надежта и достоинството што им припаѓа – достоинството на мирот.“- изјави папата.

Зеленски е подготвен за секаков формат на преговори што носи резултати. Но, нагласува-ако Москва продолжи да поставува нереални услови и да го поткопува напредокот, последиците мора да бидат сериозни. Благодарен е на сите што ги заоструваат санкциите против Русија и ги повика САД да не откажуваат од мировниот процес.

„Дипломатијата е посилна кога сме обединети. Важно е Америка да продолжи да учествува во процесот на приближување на мирот. Америка е она од што се плаши Русија, и нејзиното влијание може да спаси многу животи ако го притисне Путин да ја заврши војната“, изјави Володимир Зеленски – претседател на Украина.

И покрај повиците до САД да го зголемат притисокот врз Москва, Трамп вели дека тоа ќе биде негова одлука и дека сè уште не решил што ќе прави.

„Тоа ќе биде моја одлука и ничија друга. Ќе видиме како ќе се однесува Русија. Ќе видиме што ќе се случи. Знаете, имаме прилично критичен период во моментов“, изјави Доналд Трамп – претседател на САД.

Брисел воведе 17-ти пакет санкции за Москва најавувајќи нов уште посилен, доколку Путин не се согласи на прекин на огнот.

Бојана Крстевски