Почнаа уписите на државните универзитети

Почнаа уписите за високо образование. На петте државни универзитети за идните студенти има нешто повеќе од 24 илјади слободни места.

На најстариот и најголем универзитет „Св. Кирил и Методиј“ во Скопје слободни се вкупно 10.048 места, од кои за редовни студенти во државна квота 5.771 места, за редовни со кофинансирање на студиите слободни се 3.267 и за вонредни студенти 1.010 места.

Пријавувањето во првиот рок денеска и утре е и на Универзитетот за информатички науки и технологија „Св. Апостол Павле“ – Охрид, а вчера почна на универзитетите „Св. Климент Охридски“ - Битола и „Гоце Делчев“ - Штип.

На Државниот универзитет во Тетово пријавувањето во првиот уписен рок ќе се реализира идната седмица, од 19-ти до 22 август.

Резултатите од пријавувањето на сите државни универзитети и успехот во средно образование ќе бидат објавени од 19-ти до 25-ти август, а запишувањето ќе биде од 25-ти до 29-ти овој месец.

Студентите во државната квота плаќаат по 200 евра или 100 евра на дисперзираните студии, а кофинансирањето и цената за вонредните студенти е 400 евра.