Во Мадрид убиен поранешниот украински политичар Андриј Портнов

Во Мадрид, убиен поранешниот украински политичар Андриј Портнов, кој беше висок функционер во мандатот на претседателот Виктор Јанукович.

Непознати напаѓачи го застрелале 51-годишниот Украинец пред влезот на елитно американско училиште додека ја оставал неговата ќерка. Се верува дека во нападот учествувале две или три лица. Истрагата е во тек.

Портнов служеше во администрацијата на Јанукович од 2010 до 2014, а потоа ја напушти земјата. Во 2021, САД му воведоа санкции за учество во корупција во Украина, особено во судството.