Приведен возач во пробиштипско, возел со 101 км/час на место каде е дозволено 40 км/час

На 27.05.2025 во 00.44 часот полициски службеници од Полициската станица безбедност на патниот сообраќај Пробиштип го лишија од слобода А.Р. (56) од Скопје, информираат од МВР.

На регионалниот пат Р-1205 во с. Пишица, пробиштипско, тој управувал патничко возило „фолксваген“ со скопски регистарски ознаки со брзина од 101 километри на час на место каде максимално дозволена брзина е 40 километри на час, во населено место.

По целосно документирање на случајот против него ќе биде поднесена соодветна пријава по член 297-а од Кривичниот законик – „безобѕирно управување со моторно возило“, стои во соопштението..