Трамп најави двојно зголемување на царините за увоз на челик и алуминиум

Американскиот претседател Трамп на митингот во Пенсилванија изјави дека планира да ги зголеми царините за увоз на челик и алуминиум од 25 на 50 проценти. Според него, двојното зголемување на царините за челик, дополнително ќе ја зајакне челичната индустрија во САД.

Америка е еден од најголемите увозници на челик во светот, со вкупно 26 милиони тони увезен челик во 2024-та година. Новите тарифи се очекува да го зголемат цените, погодувајќи ја индустријата и потрошувачите, сметаат економистите.