Субвенции за осигурување земјоделско производство до крајот на август
Крајот на август е последниот рок за пријавување на субвенции за осигурување на земјоделското производство. За премии на располагање стојат 20 милиони денари...
До 31-ви август земјоделците кои сакаат да го осигураат својот род треба да поднесат барање во подрачната единица на Министерството каде што е регистрирано стопанство.
Субвенцијата е 60 проценти од вредноста на полисата. Максималната површина треба да изнесува 10 хектари за лозови и овошни насади, 2 за градинарски култури и за тутун, 20 за житни и за 100 пчелни семејства.
Корисници можат да бидат земјоделиците кои ги имаат платено финансиските обврски кон Министерството, закупнината за државно земјиште, пашарината и водниот надомест.
Според експертите, осигурувањето и опремата за заштита од неповолни временски услови е единствен начин за квалитетни и сигурни приноси.
Методија Трајков