Земјотрес со интензитет од 5,8 степени по Рихтер ја погоди Турција

Земјотрес со интензитет од 5,8 степени по Рихтер го погоди медитеранскиот брег на Турција, градот Мармарис. 14-годишно момче загина во стампедо, а 69 луѓе се повредени. Властите велат дека повредените во паника скокале од прозорци или балкони. Нема извештаи за поголема материјална штета.

Епицентарот на потресот бил во Средоземното Море, а бил почувствуван во соседните региони, вклучувајќи го и грчкиот остров Родос.