Азир Алиу предлог за нов министер за здравство
Премиерот Мицкоски го предлага Азир Алиу, поранешен министер за информатичко општество за прв човек во здравство, а за заменик во земјоделство, Албрим Хоџа, поранешен вработен во општина Струга...
Владата до Собранието во петокот ги доставила предлозите за нов министер за здравство и за заменик-министер во земјоделство, по оставките на Арбен Таравари и Флакрон Беџети.
Премиерот Мицкоски го предлага Азир Алиу, поранешен министер за информатичко општество за прв човек во здравство, а за заменик во земјоделство, Албрим Хоџа, поранешен вработен во општина Струга. Според собранискиот деловник, предлозите ќе се најдат на првата наредна пленарна седница.
Оставка од заменичката позиција во одбрана поднесе и Елфете Исмаили, која остана во Алијанса за Албанците, крилото на Таравари.