Новите министри в понеделник пред пратениците

В понеделник се избира новиот, 19-ти министер за здравство, Азир Алиу од коалицијата „Вреди“, на местото на Арбен Таравари кој си поднесе оставка, откако ја напушти коалицијата по десет месеци на челната позиција.

Најчести смени на челните позиции се забележени во министерствата за здравство и ресорот образование. Јаневска е 20-та министерка од независноста на државата па досега. Според експертите, треба да се воспостави систем за граѓаните и целните групи кои треба да се приоритет не само за време на избори, туку во континуитет.

Согласна и министерката за образование и наука Весна Јаневска, според која не е добро толку често да се менуваат челниците, затоа што тоа не носи бенефит за државата. А без завршени проекти нема успешна завршница.

Најдолг мандат како министер во ресорот здравство, од шест години, имаше Никола Тодоров, најкраток од пет месеци имаа Арбен Таравари во 2017-та и Илир Демири во 2024-та година.

Министерството за здравство се смета едно од поважните, според проблематиката која ја третира и според висината на годишниот буџет со кој располага.

Игор Панов