Администрацијата на САД воведе санкции против четворица судии на Меѓународниот кривичен суд
Двајца од судиите беа вклучени во одлуката со која се отвори истрага за наводни воени злосторства извршени од американските сили во Авганистан. Други двајца издадоа налози за апсење за израелскиот премиер Нетанјаху и министер во израелската влада...
Администрацијата на САД воведе санкции против четворица судии на Меѓународниот кривичен суд. Државниот секретар Рубио, објави дека потегот е поради активното учество на судиите во нелегални и неосновани постапки против САД и сојузникот Израел.
Двајца од судиите беа вклучени во одлуката со која се отвори истрага за наводни воени злосторства извршени од американските сили во Авганистан.
Други двајца издадоа налози за апсење за израелскиот премиер Нетанјаху и министер во израелската влада. Меѓународниот кривичен суд обвинува дека санкциите претставуваат обид за поткопување на независноста.