Кривична пријава за градоначалникот на Росоман

Финансиска полиција поднесе кривична пријава против градоначалникот на Росоман, Стојан Николов.

Управата го сомничи дека не го почитувал законот за градење и законот за општа управна постапка, изготвувал лажни јавни исправи за градење и реконструкција на улици, неосновано склучувал договори за управување со градежно земјиште, трошел повеќе од дозволеното за репрезентација, горива, храна и пијалаци, спротивно на одлуките на Општинскиот совет.

Со тоа, според финансиската полиција, градоначалникот од 2021 до 2024 година го оштетил буџетот за милионски суми.