Откриени пет нови гробници во карпа во Марковите кули
Комплексот Маркови кули крие многу археолошко-историски тајни. Археолозите деновиве дооткриваат и истражуваат уникатни гробници во карпа. Истражувањата ќе донесат туристичка атракција за регионот...
Пет нови гробници во карпа дооткрија археолозите при прилепскиот завод и музеј на локалитетот „Крклари“ во комплексот Маркови кули од првиот и вториот век од нашата ера. Комплексот со децении е познат по уникатните гробници во карпа на видни граѓани, но сознанијата изненадуваат.
Вакви гробници по неколку има во Битолско и Гевгелиско, но најмногу, 27, во Прилепскиот регион. Се врзуваат со античките градови Керамија и Колобаиса кај Трескавец.
Археолозите велат дека има уште неоткриени гробници во карпа. Дури и од средниот век.
Во иднина истражувањата ќе покажат што сè се крие околу Марковите кули.
Елизабета Митреска