Седум години од потпишување на Преспанскиот договор

На 17 јуни 2018 година, пред точно седум години, во малото село Нивици, на брегот на Преспанско езеро од грчка страна, Скопје и Атина го потпишаа договорот од Преспа со кој се затвори долгогодишниот спор меѓу двете држави.

Република Македонија го смени името во Република Северна Македонија, Грција призна македонски јазик и македонска националност, земјата стана членка на НАТО, а се интензивираше и билатералната соработка со Грција.

На решението му претходеа преговори што траеја 27 години, но секогаш завршуваа без заемно прифатливо решение, се до крајот на 2017-та година кога се интензивираа разговорите по речиси тригодишен застој и беше постигнат договорот.