Наместо зборови, Софија да покаже со дела
Тоа што го зборуваат претставниците на Бугарија ќе имаат можност да го докажат на 24 јуни со повлекување на амандманите во Европскиот парламент, и да ја прифатат иницијативата за средба во рамки на состанокот на НАТО во Хаг...
Бугарија веднаш може добрососедството да го покаже со средба меѓу македонската претседателка Сиљановска-Давкова и премиерот Жељасков, но и да ги активираат активностите на Коридорот 8 – посочува премиерот Мицкоски по изјавата на бугарскиот претседател Радев дека добрососедството треба да се развива и дека нема да има вето за прием на Македонија во ЕУ, по внесување на Бугарите во Уставот.
Коалицискиот партнер на Мицкоски, лидерот на ЗНАМ, Максим Димитриевски вели-не смееме сами да се понижуваме. Македонија направи многу отстапки до сега.
Бугарскиот претседател Радев порача дека ќе нема нови условувања кон земјава по уставните измени, но сака да види и дека во Македонија се почитуваат човековите права.
Миле А. Ристески