Војната ги зголемува цените на нафтените деривати
Војната не само политички ќе влијае и економски врз земјите во целиот свет. Нафтата е првиот производ кој најбрзо ги почувствува последиците. Вчера цените на горивата отидоа во нагорна линија…
Скопјанецот Дејвид Кулески, очекува да има осцилации на цените на нафтените деривати, поради нападот на Иран, но се надева дека тоа нема да биде речиси двојно како пред две-три години.
Првиот човек на регулаторната комисија вели, факт е дека суровата нафта e поскапена на светските берзи, но ништо не можеме да направиме, освен да се надеваме дека нема да има драстично зголемување.
Цената на суровата нафта на берзите поради конфликтот на Блискиот Исток, во речиси секоја минута прави осцилации. Вчера прво се стабилизираше, потоа се намали за 1,5 долар, за повторно да се зголеми.
Доколку цената на еден дериват има зголемување или намалување за два денара, се носат вонредни одлуки за да се избегнат големи ценовни шокови.
Наташа Јанчиќ-Менковски