ГН на Канада останува во Формула 1 до 2035 година

Трката за Големата награда на Канада ќе остане дел од календарот на Формула 1 до 2035 година, по новото продолжување на договорот за уште четири сезони.

Патеката „Жил Вилнев“ во Монтреал, која е дел од шампионатот од 1978 година, е позната по возбудливите трки, а годинашното издание беше обележано со судир меѓу возачите на Мекларен, Норис и Пјастри.

Претседателот на Ф1, Стефано Доменикали, го истакна значењето на трката како дел од богатата историја на спортот.