Во Кочани отворање на иновативен центар за развивање креативни идеи, најави министерот Алиу
Сите процеси во Кочани ќе бидат централизирани преку Министерството за здравство. Невладините и приватните субјекти ќе може да продолжат да помагат, но ќе треба да се пријават во Министерството и заедно да работат. Министерот за здравство, Алиу, на брифингот со новинарите посочи дека ќе се отвори и мултифункционален иновативен центар...
Во Кочани ќе биде отворен иновативен центар, во кој граѓаните ќе можат да се дружат, но и да развиваат креативни идеи, најави министерот за здравство, Алиу. Се прибираат идеи, по што ќе следи реализација.
Работна група треба да изработи акциски план за менаџирање на последиците од трагедијата во кабарето „Пулс“. Секој понеделник на состанок ќе се следи реализацијата на зацртаното.
Министерот најави информативен портал на кој ќе може да се види какви услуги даваат здравствените институции, колку и за што трошат, со колку кадар располагаат почнувајќи со лекари, специјализанти, до хигиеничари.
Наташа Јанчиќ-Менковски