Хоспитализирани 11 лица инфицирани од жолтица

На Инфективното одделение во Клиничка болница во Штип хоспитализирани се 11 пациенти со симптоми на жолтица.

Инфектолозите утврдиле дека  четворица пациенти имаат хепатит од типот А. Сите хоспитализирани се штипјани и се од различни делови на градот. Најмалиот има пет, а  најстариот над 30 години.

По четирите потврдени и седумте сомнителни случаи инфектолозите апелираат граѓаните да ја зголемат хигиената на летните горештини, но и да внимаваат на храната, овошјето и зеленчукот што  ги консумираат.

Засега е непознат изворот на заразата од жолтица во Штип, но од  надлежните институции и епидемиолозите се очекува деновиве да го откријат жариштето на болеста.