ФЗОМ: Советувањето со странските експерти за Кочани продолжува

Директорот на ФЗОМ Сашо Клековски, денеска оствари средба со Шпела Керин, протетичарка од Кршко, Словенија. Таа е водечки стручњак протетичар во регионот за протези за раце и за лице (епитези), со над 25 годишно искуство. Таа ќе има работни посети на Скопје и Кочани за за да ја процени состојбата на повредените од трагедијата во Кочани. Во Македонија веќе има петмина корисници на нејзините протези.

„Разговаравме за потребите на повредените и кои се можностите. Овие естетско-функционални протези се наменети за специфични потреби, се прават скроено по мерки откако ќе заврши процесот на заздравување на кожата. Разговаравме и за финансирање од страна на Фондот, за што постојат искуства од Словенија и Хрватска“, изјави директорот Клековски.

Од ФЗОМ нагласуваат дека продолжува соработката со експерти за да се обезбеди најдобра здравствена заштита за повредените.