Африканскиот топлотен бран го достигнува својот максимум

Африканскиот топлотен бран кој неделава ја зафати земјава, го достигнува својот максимум. Денеска се очекува живата во термометарот да се искачи до 41-от степен, а УВ зрачењето ќе биде на највисоко ниво.

На сила се сè уште препораките од лекарите да се избегнува излегување на отворено во критичниот период од 10 до 17 часот, да се пијат повеќе течности и да се внесува лесна храна, редовно да се користи крем со заштитен фактор.

За утре метеоролозите најавуваат нестабилно време со врнежи и пад на температурата за неколку степени.