Денис Вилнев ќе го режира следниот Џејмс Бонд
Некои од моите најрани спомени поврзани со одење во кино се поврзани со 007. Пораснав гледајќи филмови за Џејмс Бонд со татко ми, почнувајќи од Д-р Но со Шон Конери. Јас сум голем фан на Бонд. За мене, тој е свето подрачје, изјави Вилнев.
Денис Вилнев ќе биде режисер на следниот филм за Џејмс Бонд, соопштија од студијата Амазон МГМ. Оскаровецот, познат по научнофантастичниот блокбастер „Дина“, ќе биде придружен од својата партнерка и сопруга Тања Лапоант како извршен продуцент, како и од Ејми Паскал и Дејвид Хејман како продуценти.
Некои од моите најрани спомени поврзани со одење во кино се поврзани со 007. Пораснав гледајќи филмови за Џејмс Бонд со татко ми, почнувајќи од Д-р Но со Шон Конери. Јас сум голем фан на Бонд. За мене, тој е свето подрачје, изјави Вилнев.
Имам намера да ја почитувам традицијата и да го отворам патот за многу нови мисии. Ова е огромна одговорност, но и неверојатно возбудлива можност за мене и голема чест. Јас, Ејми и Дејвид сме навистина воодушевени што ќе го вратиме на големото платно, нагласи Вилнев.
Ова ќе биде првиот филм за Бонд откако франшизата премина во рацете на студиото Амазон МГМ, кои сега имаат целосна креативна контрола по постигнувањето на договор со долгогодишните продуценти Мајкл Г. Вилсон и Барбара Броколи.