Средба на министерот Бесар Дурмиши со в.д. амбасадорот на Катар

Министерот за економија и труд, г. Бесар Дурмиши, денеска оствари средба со вршителот на должноста амбасадор на Државата Катар во Република Северна Македонија, Н.Е. Рашид Бин Саид Ал-Кајарин.

Двајцата соговорници разговараа за натамошно унапредување на економските односи помеѓу двете земји. Посебен акцент беше ставен на продлабочување на соработката во областа на инвестициите, вработувањето и инфраструктурните проекти од заемен интерес.